२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । नेपाल–चीन सीमावर्ती क्षेत्र तिब्बततर्फ पहिरोका कारण थुनिएर बनेको कृत्रिम ताल पुनः फुटेपछि आएको बाढी रसुवाको स्याफ्रुबेँसीमा आइपुगेको छ ।
बाढी पूर्वानुमान महाशाखाका अनुसार दिउँसो १२ बजेर ३१ मिनेटमा भोटेकोशी नदीको बाढी स्याफ्रुबेँसीमा आइपुगेको हो ।
चीनको जिरोङ नाकाभन्दा माथिल्लो क्षेत्रमा बनेको ठूलो ताल फुटेपछि पानीको ठूलो बहाव नेपालतर्फ बग्न थालेको बताइएको छ । चीनको छोचेन खोला र पुरेपू त्साङ्पो नदीको संगम क्षेत्रनजिक बनेको उक्त ताल फुटेपछि बाढी आएको हो ।
बाढीको असर त्रिशूली नदीको तटीय क्षेत्र हुँदै मुग्लिनसम्म पर्न सक्ने भन्दै बाढी पूर्वानुमान महाशाखाले उच्च सतर्कता अपनाउन आग्रह गरेको छ । महाशाखाले अर्को सूचना नआएसम्म त्रिशूली नदीको तटीय क्षेत्रका बासिन्दालाई सुरक्षित स्थानमा रहन अनुरोध गरेको छ ।
यसअघि प्रहरीले समेत आपत्कालीन चेतावनी जारी गर्दै भोटेकोशी र त्रिशूली नदी किनार तथा जोखिमपूर्ण क्षेत्रमा रहेका नागरिकलाई तत्काल सुरक्षित स्थानमा जान आग्रह गरेको थियो ।
यसअघि भदौ १० गते आएको भीषण बाढीपछि तिब्बततर्फ ल्हेन्दे खोला थुनिएर बनेको ताल फुट्दा ठूलो क्षति भएको थियो । अहिले पुनः ताल फुटेर पानीको बहाव नेपालतर्फ बढेपछि दोस्रो चरणको बाढीको जोखिम बढेको छ ।
© 2026 All right reserved to khabarcnter.com | Site By : Sobij
