२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । बाढी पीडितहरूको सहयोगार्थ प्रधानमन्त्री कार्यालयको उद्धार कोषमा १ लाख सहयोग गर्न खोज्दा १० लाख रुपैयाँ ट्रान्सफर भएको छ ।
कोटेश्वरको सुयोग्य बचत तथा ऋण सहकारी संस्था लिमिटेडले प्रधानमन्त्री दैवी प्रकोप उद्धार कोषमा बिहीबार १ लाख रुपैंयाँ पठाउँन खोज्दा भुलवश १० लाख रुपैंयाँ ट्रान्सफर भएको हो । सुयोग्य सहकारी संस्था लिमिटेडका प्रमुख कार्यकारी अधिकृत सुमन कार्कीले भुलवश जम्मा भएको रकम फिर्ता गरिदिन प्रधानमन्त्री दैवि प्रकोप उद्धार कोषलाई सम्बोधन गर्दै निवेदन लेखेका छन् ।
सहकारीले कोषमा १ लाख १ हजार १ रुपैयाँ योगदान गर्ने निर्णय गरेको थियो । बिहीबार ग्लोबल आइएमई बैंक लिमिटेडको खातामा कनेक्ट आईपीएसमार्फत रकम ट्रान्सफर गर्ने क्रममा भुलवश १० लाख १ हजार १ रुपैयाँ ट्रान्सफर भएको थियो ।
प्रमुख कार्यकारी अधिकृत कार्कीका अनुसार भुलवश ट्रान्सफर भएकाले सो रकम फिर्ता गरिदिन प्रधानमन्त्री दैवी प्रकोप उद्धार कोषलाई पत्र लेखेका छन् । सहकारीले कोषमा योगदान गर्ने रकम १ लाख १ हजार १ रुपैयाँ छुट्टै ट्रान्सफर गर्ने बताएको छ ।
रकम ट्रान्सफर भएको विवरणसमेत निवेदनसँगै संलग्न गरिएको सहकारीले जनाएको छ ।
© 2026 All right reserved to khabarcnter.com | Site By : Sobij
