२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । भोटेकोशी नदीमा आएको विनाशकारी बाढीका कारण रसुवा र नुवाकोटबाहेक देशभरबाट नेपाली तथा विदेशी गरी १ हजार ४३३ जना सम्पर्कविहीन भएका छन्।
राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार बिहीबार दिउँसो साढे २ बजेसम्मको विवरणमा सातै प्रदेशबाट ९१६ जना नेपाली र ५१७ जना विदेशी नागरिक सम्पर्कविहीन भएका छन्। रसुवा र नुवाकोटको छुट्टै तथ्यांक संकलन भइरहेको प्राधिकरणले जनाएको छ।
पछिल्लो विवरणअनुसार कोशी प्रदेशमा ८० जना सम्पर्कविहीन भएका छन्। उनीहरू जलविद्युत् कम्पनीमा कार्यरत कर्मचारी, व्यवसायी तथा व्यापारी रहेको र ११ जिल्लाका नागरिक रहेको प्राधिकरणले जनाएको छ।
त्यस्तै, मधेस प्रदेशमा ३७, रसुवा र नुवाकोटबाहेक बागमती प्रदेशमा ४२० तथा गण्डकी प्रदेशमा ८४ जना सम्पर्कविहीन छन्।
यसैगरी लुम्बिनी प्रदेशमा १०५, कर्णाली प्रदेशमा ११८ र सुदूरपश्चिम प्रदेशमा ७२ जना सम्पर्कविहीन रहेको प्राधिकरणले जनाएको छ।
© 2026 All right reserved to khabarcnter.com | Site By : Sobij
