२०८३ कार्तिक १५ गते आइतवार
२०८३ कार्तिक १५ गते आइतवार
.gif)
काठमाडौं । रसुवा र नुवाकोटका बाढी प्रभावित बस्तीहरूमा खोज तथा उद्धारको लागि सशस्त्र प्रहरीले विशेष तालिम प्राप्त सीएसएसआर टोली खटाएको छ । भत्किएका संरचना खोजी तथा उद्धारको तालिम लिएका सुरक्षाकर्मीले संरचनाभित्र थुनिएका मानिसहरूलाई पर्खाल र फलाम काटेर उद्धार गर्छन् ।
हाइड्रोपावरमा फसेकाहरू र नदी तटका संरचनामा फसेकाहरूको उद्धारको लागी सीएसएसआर टिम परिचालन गरिएको सशस्त्र प्रहरीका प्रवक्ता नेत्रबहादुर कार्कीले जानकारी दिएका छन् । गएराति नै काठमाडौंबाट हिँडेको एउटा टोलीले अहिले नुवाकोटका नदी तटीय क्षेत्रका बस्तीहरूमा खोजी कार्य सुरु गरेको छ ।
सशस्त्रले भत्किएका संरचना खोजी तथा उद्धारको तालिम ४ वटा टोली खटाएको छ । एउटा टोली हेलिकप्टरमार्फत रसुवा पठाउन त्रिभुवन अन्तर्राष्ट्रिय विमानस्थलमा स्ट्याण्डबाई राखिएको डीआईजी कार्कीले बताएका छन् ।
सीएसएआर टिम १ हजार ५ सय परिचालन गरिएको छ । उद्धार र खोजीमा गोताखोर पनि परिचालन गरिएको छ । भोटेकोसीमा आएको बाढीले रसुवा र नुवाकोटमा मानवीय क्षति गरेसँगै सशस्त्रले प्रभावित क्षेत्रमा तालिमप्राप्त कुकुर र ड्रोनको प्रयोग गरेर खोज तथा उद्धारको काम गरिरहेको छ ।
खोज तथा उद्धारमा समन्वय गर्न सशस्त्रको नम्बर–३ बाहिनीका प्रमुख डीआईजी किरण बस्नेत नुवाकोट गएका छन् । खोज तथा उद्धारका लागि सशस्त्रले धुन्चे, रसुवागढी, नुवाकोट र चितवनमा विपद् प्रतिकार्य बेस बनाएर काम गरिरहेको छ ।
सशस्त्रले अहिलेसम्म १२ ठाउँबाट ९८ वटा शव सङ्कलन गरेको छ । अहिलेसम्म ३० जना घाइते सहित ७३ जनाको सकुशल उद्धार गरिएको सशस्त्र प्रहरी बल प्रधान कार्यालयले जनाएको छ ।
© 2026 All right reserved to khabarcnter.com | Site By : Sobij
