२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । रसुवाको भोटेकोसीमा आएको भीषण बाढी त्रिशूली नदी हुँदै तीव्र गतिमा अगाडि बढिरहेको छ।
बुधबार बिहान १०:५१ बजे पछिल्लो अपडेट जारी गर्दै बाढी पूर्वानुमान महाशाखाले बाढी धादिङको गल्छी आसपास पुगिसकेको जनाएको छ। बाढी अबको केही घण्टामा मुग्लिन पार गर्ने क्रममा रहेको महाशाखाले जनाएको छ।
बाढीको सतह बढ्दै गएपछि महाशाखाले पृथ्वी राजमार्ग तथा मुग्लिन–नारायणगढ सडकखण्डसहित त्रिशूली नदी किनारका बस्ती तथा बजार क्षेत्र खाली गर्न आग्रह गरेको छ।
महाशाखाले तटीय क्षेत्रका बासिन्दालाई तत्काल सुरक्षित स्थानमा जान अपिल गर्दै उच्च सतर्कता अपनाउन आग्रह गरेको छ।
‘त्रिशूली नदी छेउछाउका बस्ती र बजार क्षेत्र खाली गरी उच्च सतर्कताका साथ सुरक्षित स्थानमा रहनुहोस्,’ महाशाखाले भनेको छ।
बाढी मुग्लिनतर्फ अगाडि बढिरहेका कारण त्रिशूली नदी आसपासका क्षेत्रहरूमा जोखिम थप बढेको छ।
© 2026 All right reserved to khabarcnter.com | Site By : Sobij
