२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । साताको पहिलो कारोबार दिन सोमबार शेयर बजार दोहोरो अंकले घटेर बन्द भएको छ । आज नेप्से परिसूचक ३३.२८ अंकले घटेर २,७०१ को विन्दुमा कायम भएको छ ।
आज ३५ कम्पनीको मूल्य बढ्दा २३५ को घट्यो भने ५ को स्थिर रहेको छ ।आज दिनभरिमा ३६० कम्पनीको १ करोड ३९ लाख २५ हजार कित्ता शेयर किनबेच हुँदा ६ अर्ब ८ करोड माथिको शेयर कारोबार भएको छ ।
आज बैंकिङ समूह ०.१० प्रतिशत बढेको छ । उत्पादन तथा प्रशोधन समूह सबैभन्दा धेरै २.३० प्रतिशत घटेको छ।
त्यस्तै व्यापार २.२३, होटल तथा पर्यटन २.२२ प्रतिशत घटेको छ । विकास बैंक १.८२, फाइनान्स ०.७०, जलविद्युत् १.९०, लगानी ०.७०, जीवन बीमा १.२५, माइक्रोफाइनान्स १.२७, निर्जीवन बीमा १.२१ तथा अन्य १.६९ प्रतिशत घटेको छ ।
हालै सूचीकृत भएको नयाँ कम्पनी एभरेस्ट कलरको मूल्य १५ प्रतिशत बढेको छ । त्यस्तै गोर्खाज फाइनान्सको ३.८६, धौलागिरि लघुवित्तको ३.११ प्रतिशत बढेको छ ।
आत्मनिर्भर लघुवित्तको १३.३८, कर्पोरेट डेभलपमेन्ट बैंकको ९.६३, कालंगा हाइड्रोपावरको ८.५२, सालपा विकास बैंकको ८.१९ तथा होटल फरेस्ट इनको ७.५७ प्रतिशत मूल्य घटेको छ ।
आज सबैभन्दा धेरै रिलायन्स स्पीनिङ मिल्सको शेयर कारोबार भएको छ । आज यस कम्पनीको ३३ करोड ८६ लाख रुपैयाँको शेयर कारोबार भएको छ । ग्लोबल आइएमई बैंकको २८ करोड १३ लाख रुपैयाँको शेयर कारोबार भएको छ । रिडी पावरको २२ करोड १३ लाख रुपैयाँको शेयर कारोबार भएको छ ।
© 2026 All right reserved to khabarcnter.com | Site By : Sobij
