२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । काठमाडौंको चन्द्रागिरि नगरपालिका–१५ तीनथानास्थित सडकखण्डमा भएको सवारी दुर्घटनामा दुई जनाको मृत्यु भएको छ । सोमबार बिहान सतुङ्गलबाट कलङ्कीतर्फ जाँदै गरेको स्कुटर र सोही दिशाबाट आउँदै गरेको मिनी ट्रक एकापसमा ठोक्किँदा दुर्घटना भएको प्रहरीले जनाएको छ ।
दुर्घटनामा बा.प्र.०२–०३८ प ९८९७ नम्बरको स्कुटरका चालक र पछाडि सवार महिला गम्भीर घाइते भएका थिए । उनीहरूलाई उद्धार गरी कलङ्कीस्थित शहीद मेमोरियल अस्पताल पुर्याइएको थियो । अवस्था गम्भीर भएपछि थप उपचारका लागि दुवै जनालाई ललितपुरको ग्वार्कोस्थित बी एन्ड बी अस्पताल लगिएको थियो ।
उपचारका क्रममा चन्द्रागिरि नगरपालिका–१२ हरियालीका ४० वर्षीय दीपक नेपालको मृत्यु भएको हो । यस्तै स्कुटरमा पछाडि सवार चन्द्रागिरि–१४ की ५६ वर्षीया शुभद्रा कुमारी नेपालको पनि चिकित्सकले मृत घोषणा गरेका छन् ।
दुर्घटनापछि स्कुटर ट्राफिक प्रहरी प्रभाग कलङ्कीको नियन्त्रणमा रहेको छ भने मिनी ट्रक र चालकलाई प्रहरी वृत्त थानकोटले नियन्त्रणमा लिएको छ । दुर्घटनाको कारणबारे थप अनुसन्धान भइरहेको प्रहरीले जनाएको छ ।
© 2026 All right reserved to khabarcnter.com | Site By : Sobij
