२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । नेपाल सुनचाँदी रत्न तथा आभूषण महासंघले सुनचाँदी व्यवसायीहरूको व्यावसायिक आवश्यकता, दैनिक कारोबार व्यवस्थापन तथा सूचना प्रवाहलाई सहज, सुरक्षित र प्रविधिमैत्री बनाउने उद्देश्यले आफ्नो आधिकारिक वेबसाइट तथा मोबाइल एप सार्वजनिक गरेको छ।
काठमाडौंको त्रिपुरेश्वरस्थित बोगेनभिल्लामा रहेको महासंघको सचिवालय कार्यालयमा आयोजित कार्यक्रममा नेपाल चेम्बर अफ कमर्सका अध्यक्ष कमलेश कुमार अग्रवालले वेबसाइट तथा मोबाइल एपको औपचारिक शुभारम्भ गरेका हुन्।
उद्घाटन समारोहमा बोल्दै प्रमुख अतिथि अग्रवालले सूचना प्रविधिको प्रयोगमार्फत व्यवसायलाई आधुनिक, व्यवस्थित तथा पारदर्शी बनाउने महासंघको प्रयास समयानुकूल, दूरदर्शी र अनुकरणीय रहेको बताए। प्रविधिको प्रभावकारी प्रयोगबाट व्यवसाय सञ्चालन, सेवा प्रवाह तथा सूचना आदानप्रदानलाई अझ सहज, छिटो र विश्वसनीय बनाउन महत्त्वपूर्ण योगदान पुग्ने विश्वास उनले व्यक्त गरे।
सार्वजनिक गरिएको वेबसाइट तथा मोबाइल एपमार्फत सदस्य व्यवसायीहरूले सुन तथा चाँदीको दैनिक बजार मूल्य, महासंघका सूचना तथा परिपत्र, ऐन, नियम तथा निर्देशिका, कार्यक्रमसम्बन्धी जानकारी, संस्थागत तथा व्यवसाय व्यवस्थापनसँग सम्बन्धित सेवा तथा अन्य आवश्यक सूचनाहरू सहज रूपमा प्राप्त गर्न सक्ने जनाइएको छ।
कार्यक्रमको समापनमा महासंघका प्रथम उपाध्यक्ष द्वारिका विश्वकर्माले धन्यवाद ज्ञापन गर्दै महासंघले सञ्चालनमा ल्याएको वेबसाइट तथा मोबाइल एपको अधिकतम उपयोग गरी सुनचाँदी तथा आभूषण व्यवसायलाई थप व्यवस्थित, सुरक्षित, पारदर्शी तथा प्रविधिमैत्री बनाउन सम्पूर्ण व्यवसायीलाई आग्रह गरे।
© 2026 All right reserved to khabarcnter.com | Site By : Sobij
