२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । नेपाली कांग्रेसका सभापति गगनकुमार थापाले निजी शिक्षा र स्वास्थ्य क्षेत्रमा लगाइएको ३ प्रतिशत समता कर लागू नगर्ने सरकारको निर्णयको स्वागत गरेका छन् ।
मंगलबार सामाजिक सञ्जालमार्फत धारणा सार्वजनिक गर्दै थापाले समता करको व्यवस्था सुरुदेखि नै अनुपयुक्त रहेको बताएका हुन् । सरकारले सामाजिक यथार्थलाई स्वीकार गर्दै कर लागू नगर्ने निर्णय गर्नु सकारात्मक कदम भएको उनको भनाइ छ ।
थापाले निजी विद्यालय र अस्पताल प्रयोग गर्ने सबै नागरिक आर्थिक रूपमा सम्पन्न नभएको उल्लेख गर्दै धेरैका लागि निजी क्षेत्रका सेवा बाध्यता बनेको बताए । निजी क्षेत्रलाई शिक्षा र स्वास्थ्य प्रणालीको महत्वपूर्ण साझेदारका रूपमा लिनुपर्ने उनको धारणा छ ।
उनले सेवा प्रवाहमा थप कर वा शुल्कको भार थप्दा समस्या समाधान नहुने भन्दै समता शुल्कले समानता नभई असमानता बढाउने टिप्पणी गरे ।
सरकारको निर्णयलाई प्रभावकारी बनाउन आवश्यक कानुनी तथा प्रशासनिक प्रक्रिया तत्काल पूरा गर्न पनि थापाले आग्रह गरेका छन् । साथै उनले विद्युतमा लगाइएको मूल्य अभिवृद्धि कर (भ्याट) को व्यवस्थासमेत पुनरावलोकन गर्न सरकारसँग माग गरेका छन् ।
© 2026 All right reserved to khabarcnter.com | Site By : Sobij
