२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । प्रधानमन्त्री बालेन शाहले शिक्षा क्षेत्रमा लगाइएको ३ प्रतिशत समता कर हटाउने निर्णय गरेलगत्तै शिक्षा तथा खेलकुदमन्त्री सस्मित पोखरेलले निजी विद्यालय सञ्चालकहरूलाई आकस्मिक छलफलका लागि बोलाएका छन्।
शिक्षा मन्त्रालयमा मंगलबार अपराह्न ४ बजे बस्ने गरी निजी विद्यालय सञ्चालकहरूलाई आमन्त्रण गरिएको शिक्षामन्त्री पोखरेलको सचिवालयले जनाएको छ। बैठकमा सरकारले शिक्षामा ३ प्रतिशत कर हटाएको नयाँ परिस्थिति र शिक्षा क्षेत्रका अन्य समसामयिक विषयहरूमा केन्द्रित रहेर छलफल हुने सचिवालयको भनाइ छ।
उक्त छलफलमा निजी विद्यालयहरूको छाता संगठन प्याब्सन, एन-प्याब्सन र हिसानका प्रतिनिधिहरूलाई बोलाइएको छ। प्याब्सनका महासचिव आरबी कटुवालले शिक्षा समता कर र समसामयिक शैक्षिक मुद्दाहरूमा छलफलका लागि मन्त्रालयबाट आधिकारिक जानकारी आएको पुष्टि गरेका छन्।
उनका अनुसार छलफलका लागि प्रत्येक संस्थाबाट ३-३ जना प्रतिनिधिलाई मन्त्रालयमा उपस्थित हुन भनिएको छ।
© 2026 All right reserved to khabarcnter.com | Site By : Sobij
