२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । 'सोफा हब काठमाडौं'ले आयोजना गरेको 'कन्टेन्ट क्रिएटर अवार्ड २०८३' को उपाधि अनिश चापागाईँले जितेका छन्। शुक्रबार साँझ भक्तपुरमा आयोजित समारोहका बीच चापागाईँलाई १ लाख रुपैयाँ नगद पुरस्कारसहित अवार्ड प्रदान गरियो ।
प्रतिस्पर्धामा सहभागी ३२ जना सर्टलिस्टेड क्रिएटरहरूमध्येबाट 'टिम ४४४' दोस्रो हुँदै ५० हजार रुपैयाँ पुरस्कार प्राप्त गर्न सफल भयो। त्यसैगरी, सागर पाण्डे र श्रीजन श्रेष्ठले तेस्रो स्थान हासिल गर्दै जनही २५ हजार रुपैयाँ पुरस्कार र प्रमाणपत्र प्राप्त गरे।
चर्चित कलाकार सन्दीप क्षेत्री र भिडियो मेकर सम्राट अधिकारी सम्मिलित निर्णायक मण्डलले भिडियोको गुणस्तर, सिर्जनशीलता र ब्राण्ड प्रस्तुतिको आधारमा विजेता घोषणा गरेको हो। सो अवसरमा कलाकार क्षेत्रीले युवाहरूलाई कडा परिश्रम र सही प्रक्रियामा विश्वास गर्न आग्रह गरे।
कार्यक्रममा आमा छोदिङ्मो गाउँपालिकाका अध्यक्ष बुचुङ तामाङ, कागेश्वरी मनोहरा नगरपालिका वडा नं. ९ का अध्यक्ष अनिल थापा, नेपाल उद्योग वाणिज्य संघ काठमाडौँ महासचिव प्रेमहरि मैनाली, रास्वपाका केन्द्रीय सदस्य हिमेश पन्त, पर्यटन व्यवसायी रामप्रसाद सापकोटालगायतको समेत सहभागिता रहेको थियो ।
समारोहलाई मनोरञ्जनात्मक बनाउन गायिका सिर्जना खत्री (हाउडे माया), रेखा पोखरेललगायत सांगीतिक प्रस्तुति दिएका थिए । 'नेपाली श्रम र सीपको सम्मान' भन्ने उद्देश्यका साथ अघि बढेको सोफा हबले आगामी दिनमा अन्तर्राष्ट्रिय बजारसम्म पुग्ने लक्ष्य राखेको कम्पनीका संस्थापक तारालाल धरेलले जानकारी दिए ।
उनले सोफा हबको हाल ११ वटा शाखा रहेको भन्दै छिट्टै जनकपुरमा १२ औँ शाखा उद्घाटनको तयारीमा रहेको बताए । सोफा हबले हाल ३०० भन्दा बढीलाई प्रत्यक्ष रोजगारी प्रदान गर्दै आएको छ ।
© 2026 All right reserved to khabarcnter.com | Site By : Sobij
