२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । राष्ट्रपति रामचन्द्र पौडेलले संघीय संसद्का दुवै सदनबाट पारित भई प्रमाणीकरणका लागि पेश भएका तीनवटा महत्त्वपूर्ण विधेयकहरू प्रमाणीकरण गरेका छन् । राष्ट्रपति कार्यालयका अनुसार नेपालको संविधानको धारा ११३ को उपधारा (२) बमोजिम राष्ट्रपति पौडेलले यी विधेयकहरू प्रमाणीकरण गरेका हुन् ।
मंगलबार प्रमाणीकरण गरिएका विधेयकहरूमा विनियोजन विधेयक, २०८३, राष्ट्र ऋण उठाउने विधेयक, २०८३ र आर्थिक विधेयक, २०८३ रहेका छन् । राष्ट्रपति कार्यालयका प्रवक्ता रितेशकुमार शाक्यद्वारा जारी विज्ञप्तिअनुसार यी तीनै विधेयकहरू मंगलबार प्रमाणीकरण गरिएका हुन् ।
संसद्का दुवै सदनको बैठकबाट पारित भई आएका यी विधेयकहरू राष्ट्रपतिबाट प्रमाणीकरण भएसँगै अब औपचारिक रूपमा कार्यान्वयनको प्रक्रियामा जानेछन् ।
© 2026 All right reserved to khabarcnter.com | Site By : Sobij
