२०८३ आश्विन २ गते शुक्रवार
२०८३ आश्विन २ गते शुक्रवार
.gif)
काठमाडौं । जेनजी अभियन्ता माजिद अन्सारीले प्रहरीले आफूलाई गैरकानुनी ढङ्गले नियन्त्रणमा लिएर कुटपिट गरिएको भन्दै जीवन रक्षाको माग गरेका छन् । अन्सारीलाई शनिबार कीर्तिपुरबाट प्रहरीले पक्राउ गरेको थियो ।
पक्राउका क्रममा घाइते भएका अन्सारी हाल त्रिवि शिक्षण अस्पतालमा उपचाररत छन् । सोमबार अस्पतालबाट सामाजिक सञ्जालमा लेख्दै अन्सारीले असार २७ गते शनिबार साँझ ५ बजे तिर १०-१२ जना प्रहरीले लछारपछार गर्दै कुटपिट गरी गम्भीर घाइते बनाएकोमा हाल त्रिभुवन विश्वविद्यालय शिक्षण अस्पतालमा मेरो उपचार भइरहेको जनाएका छन् ।
उनले गृहमन्त्री वा प्रहरी प्रमुखले यो आफ्नो पक्राउबारे स्पष्ट पार्न आग्रह गर्दै गैर कानुनी कारबाहीहरू आफुविरुद्ध किन लक्षित गरिएको भनेर प्रश्न गरेका छन् ।
‘त्यसैले म सबै सम्बन्धित अधिकारीहरू, सङ्घीय सांसदका सबै माननीय सदस्यहरू, प्रतिनिधि सभाको कानुन, न्याय तथा मानव अधिकार समिति, नागरिक समाज, अन्तर्राष्ट्रिय मानव अधिकार समुदायहरू तथा सबै मानव अधिकार रक्षकहरूलाई मेरो जीवन र स्वतन्त्रताको सुरक्षा सुनिश्चित गर्न अनुरोध गर्दछु’, अन्सारीको माग छ ।
© 2026 All right reserved to khabarcnter.com | Site By : Sobij
