२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । विराटनगर महानगरपालिका-१८ भेडियारीमा प्रहरीलाई देखेपछि पोखरीमा हाम्फालेका युवकको शव फेला परेको छ
बुधबार बिहान विराटनगरको सीमावर्ती क्षेत्र भेडियारीमा गाँजा तस्करको समूहलाई पक्राउ गर्न गएको प्रहरीलाई देखेपछि स्थानीय १७ वर्षीय मञ्जितकुमार यादवले पोखरीमा हाम्फालेका थिए । मोटरसाइकल छाडेर पोखरीमा हाम्फालेका युवकको शुक्रबार बिहान शव फेला परेको मोरङ प्रहरीका डीएसपी सन्तोष श्रेष्ठले जानकारी दिएका छन् ।
उनीसँगै भारतीय नम्बर प्लेटको बीआर ५० एएल ३६८७ को मोटरसाइकलमा सवार रहेका भारतीय नागरिक ४१ वर्षीय शिवधर यादवलाई नियन्त्रणमा लिएको छ । उनको साथबाट प्रहरीले ६ किलो १२० ग्राम गाँजा बरामद गरेको छ ।
मोरङ प्रहरीका डीएसपी श्रेष्ठका अनुसार युवक बेपत्ता भएपछि नेपाल प्रहरी र सशसत्र प्रहरीको गोताखोरसहितको टोलीले पोखरीमा खोजी गरेको थियो । खोजीकै क्रममा शुक्रबार बिहान पोखरीको बीच भागमा तैरिरहेको अवस्थामा शव भेटिएको हो ।
मञ्जितको शव भेटिएपछि स्थानीयले प्रहरीका कारण मृत्यु भएको भन्दै प्रदर्शन गरेका छन् ।
© 2026 All right reserved to khabarcnter.com | Site By : Sobij
