२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । भुटानी शरणार्थी प्रकरणमा पुर्पक्षका लागि थुनामा रहेका प्रतिक थापा केन्द्रीय कारागारबाट छुटेका छन् । काठमाडौं जिल्ला अदालतको फैसला अनुसार थापालाई कारागारबाट रिहा गरिएको केन्द्रीय कारागारका जेलर कृष्ण चापागाईंले बताएका छन् ।
केन्द्रीय कारागारबाट छुटेपछि उनलाई प्रहरीले अख्तियार दुरुपयोग अनुसन्धान आयोगमा उपस्थित गराएको छ । भ्रष्टाचार सम्बन्धी मुद्दामा उपस्थित गराए पनि सार्वजनिक पद धारण नगरेको देखिएपछि थापालाई अख्तियारले तारेखमा छाड्न लागेको छ । थापालाई तारेखमा राखेर अनुसन्धान गरिने अख्तियारका एक जना उच्च अधिकृतले बताएका छन् ।
भुटानी शरणार्थीको कोटामा अमेरिका पठाउने नाममा ठगी धन्दा चलाएको कसुरमा मुद्दा दायर गरिएका ३० जना मध्ये प्रतिक सहित ७ जनाले सफाइ पाएका छन् । सफाइ पाउनेमा रामशरण केसी, टंककुमार गुरुङ, सन्दीप रायमाझी, प्रतिक थापा, लक्ष्मी महर्जन, केशव तुलाधर र आशिष बुढाथोकी रहेका छन् ।
© 2026 All right reserved to khabarcnter.com | Site By : Sobij
