२०८३ कार्तिक १५ गते आइतवार
२०८३ कार्तिक १५ गते आइतवार
.gif)
काठमाडौं । देशको मुख्य प्रशासनिक केन्द्र सिंहदरबारभित्रै जथाभावी पार्किङ हुने गरेको समाचार सार्वजनिक भएलगत्तै ट्राफिक प्रहरीले कडा एक्सन लिन सुरु गरेको छ।
मंगलबार दिउँसो सिंहदरबारभित्रै ट्राफिक नियमको धज्जी उडाउँदै फुटपाथ र सडकमै जथाभावी गाडी तथा मोटरसाइकल पार्किङ गरिएका तस्बिरसहितका समाचारहरू सञ्चार माध्यममा प्रकाशित भएका थिए। समाचार सार्वजनिक हुनासाथ सिंहदरबारभित्र खटिएको ट्राफिक प्रहरीको टोलीले सक्रियता बढाएको छ।
प्रहरीले नियमविपरीत र जथाभावी पार्किङ गरिएका सरकारी तथा निजी सवारी साधनहरूमा ह्विल लक लगाउन थालेको हो। सिंहदरबारभित्र भीआईपी र सर्वसाधारणको चाप रहने क्षेत्रमा जथाभावी गाडी पार्क गर्दा पैदलयात्रीलाई हिँड्न समस्या हुनुका साथै दुर्घटनाको जोखिम समेत बढेको थियो।
ट्राफिक प्रहरीले नियम मिच्ने जोसुकै भए पनि कानुन बमोजिम कारबाही गरिने र सिंहदरबारभित्रको पार्किङलाई व्यवस्थित बनाइने जनाएको छ।
© 2026 All right reserved to khabarcnter.com | Site By : Sobij
