शेयर बजारका सबै सूचक बढे

आषाढ २३, २०८३ मंगलवार

988

काठमाडौं । साताको दोस्रो कारोबारको दिन मंगलवार शेयर बजार दोहोरो अंकले बढेर बन्द भएको छ । आज नेप्से परिसूचक २४.५७ अंकले बढेर २,६५१ को विन्दुमा कायम भएको छ ।

आज २१० कम्पनीको शेयर मूल्य बढेको छ भने ५७ कम्पनीको शेयर मूल्य मात्रै घटेको छ । आज दिनभरिमा ३५२ कम्पनीको ९५ करोड १९ लाख ४५२ कित्ता शेयर किनबेच हुँदा ४ अर्ब ४० करोड माथिको शेयर कारोबार भएको हो ।

बैंकिङ १.५२, विकास बैंक १.१३, व्यापार १.८९ प्रतिशत बढेको छ । त्यस्तै फाइनान्स ०.५७, होटल तथा पर्यटन ०.५४, हाइड्रोपावर ०.९९, लगानी ०.३८, जीवन बीमा ०.६९, उत्पादन तथा प्रशोधन ०.४०, माइक्रोफाइनान्स ०.२५, निर्जीवन बीमा ०.७२ र अन्य ०.७७ प्रतिशत बढेको छ ।

कालंगा हाइड्रोपावर कम्पनीको मूल्य १५ प्रतिशत बढेको छ । सानीगढ हाइड्रोपावरको १०.५७, उपकार लघुवित्तको ९.६६, मन्दाकिनी हाइड्रोपावरको ५.५५ प्रतिशत मूल्य बढेको छ ।

आत्मनिर्भर लघुवित्तको मूल्य सबैभन्दा धेरै १३.७८ प्रतिशत घटेको छ । स्नो रिभर फल्सको ५.१३, टक्सार पिखुवाखोलाको ४.४१ तथा झापा इनर्जीको ४.०६ प्रतिशत मूल्य घटेको छ ।

आज सबैभन्दा धेरै केबिएल डिबेञ्चरको कारोबार भएको छ । आज यसको २० करोड ७५ लाख रुपैयाँको शेयर कारोबार भएको छ । एग्रिकल्चर डिबेञ्चरको १७ करोड ९२ लाख रुपैयाँको शेयर कारोबार भएको छ । ग्लोबल आइएमई बैंकको १६ करोड ८६ लाख रुपैयाँको शेयर कारोबार भएको छ ।