२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । दैलेखको साङ्गेतडामा भएको फोर्स गाडी दुर्घटनामा परी कर्णाली नदीमा बेपत्ता भएका यात्रुहरूको खोजी भइरहेका बेला कैलाली क्षेत्रमा एक महिला र एक पुरुषको शव फेला परेको छ।
कर्णाली प्रदेश प्रहरी कार्यालयका निमित्त सूचना अधिकारी रामप्रसाद घर्तीका अनुसार फेला परेका शवहरूको आधिकारिक पहिचान र सनाखत हुन भने बाँकी छ। कर्णाली प्रदेश प्रहरी कार्यालयका निमित्त सूचना अधिकारी रामप्रसाद घर्तीका अनुसार, भेटिएका शवमध्ये एक जना १७-१८ वर्षको महिला र ३०-३५ वर्ष उमेर समूहको पुरुष रहेका छन् ।
पुरुषको शव कैलालीको मोहान्याल गाउँपालिका-६, सुङ्गरखालको कर्णाली नदी क्षेत्रमा भेटिएको हो भने महिलाको शव चिसापानीको गोरुङ्गे क्षेत्रमा भएको घर्तीले बताएका छन् ।
बिहीबार बिहान सुर्खेतबाट कालिकोटतर्फ जाँदै गरेको जाँदै गरेको क.प्र. ०२-००१ ख १०५५ नम्बरको फोर्स गाडी दैलेखको चामुण्डा बिन्द्रासैनी नगरपालिका-७ स्थित कर्णाली राजमार्गको साङ्गेतडा क्षेत्रमा दुर्घटना भएको थियो ।
गाडी राजमार्गबाट करिब ४०० मिटर तल कर्णाली नदीमा खसेको थियो । त्यसपछि गाडी नदीमा डुबेको थियो । गाडीमा सवारमध्ये कालिकोट पचालझरना गाउँपालिका-९ निवासी ५४ वर्षीय जेखे तिरुवा भीरमा अड्किएको अवस्थामा फेला परेका थिए ।
गाडीसँगै बेपत्ता हुनेमा कालिकोटकै पचालझरना-९ कामेखे तिरुवा, रास्कोट नगरपालिका-२ का सिर्जना खड्का र पश्चिम सुर्खेतको पञ्चपुरी नगरपालिका-८, का तुलाराम सुबेदी र सहचालक राम प्रसाद सुवेदी रहेका छन् ।
© 2026 All right reserved to khabarcnter.com | Site By : Sobij
