२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । माउन्ट एभरेष्ट पावर डेभलपमेन्टको आइपीओ आज बाँडफाँट गरिएको छ। धितोपत्र बिक्री प्रबन्धक एनआईएमबी एस क्यापिटलको कार्यालयमा आज बिहान आइपीओ बाँडफाँट गरिएको हो।
कम्पनीले सर्वसाधारणका लागि गत असार ३ गतेदेखि असार ८ गतेसम्म आइपीओ बिक्री खुला गरेको छ। कम्पनीले १०० रुपैयाँ अंकित दरका कुल १४ लाख २७ हजार ६०० कित्ता जारी गरेको थियो।
उक्त आइपीओमा २८ लाख ६२ हजार ९०९ आवेदकबाट ३ करोड ६ लाख ५५ हजार ४३० कित्ता शेयर माग भएको छ। त्यसमध्ये २८ लाख १५ हजार ६७९ आवेदकबाट माग भएको ३ करोड १ लाख १९ हजार ८८० कित्ता शेयर सदर भएको थियो।
मागभन्दा बढी आवेदन परेका कारण यो आइपीओ गोलाप्रथाबाट बाँडफाँट गरिएको छ। जसअनुसार भाग्यमानी १ लाख ४२ हजार ७६० आवेदकले १० कित्ताका दर पाएका छन्। यो हिसाबले सदर आवेदकमध्ये २६ लाख ७२ हजार ९१९ आवेदकको हात खाली भएको छ।
कम्पनीको आइपीओ रिजल्ट सिडिएसको वेवसाईट https://iporesult.cdsc.com.np/ क्यापिटलको वेवसाईट https://iporesult.cdsc.com.np/ मार्फत हेर्न सकिनेछ ।
© 2026 All right reserved to khabarcnter.com | Site By : Sobij
