२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । हेटौँडा-काठमाडौं जोड्ने छोटो दुरीको हेटौँडा-कुलेखानी-फाखेल-काठमाडौँ सडक आगामी असार २५ गतेसम्मै बन्द हुने भएको छ । हाल पुल निर्माण र ढलानको कार्य सम्पन्न भइसके तापनि प्राविधिक कारणले सवारी साधन सञ्चालन गर्न अझै केही दिन कुर्नुपर्ने पूर्वाधार विकास कार्यालय, हेटौंडाले जनाएको हो।
मकवानपुरको इन्द्रसरोवर गाउँपालिकास्थित वडा नम्बर २ र ४ मा पर्ने महालक्ष्मी खोलामा पुल निर्माण र उकालो सडक ढलान गर्नका लागि गत जेठ १५ गतेदेखि १ महिनाका लागि उक्त सडक पूर्णरुपमा बन्द गरिएको थियो।
सडक ढलान गरिएको स्थानमा कङ्क्रिट सेट हुन र आवश्यक स्ट्रेन्थु हासिल गर्न समय लाग्ने भएकाले सडक बन्द गर्ने अवधि थप गरिएको कार्यालयको भनाइ छ।
कार्यालय प्रमुख एवम् सिनियर डिभिजनल इन्जिनियर सुजन भण्डारीले सडक खण्ड साँघुरो भएको र ढलान गरिएको भागमा पूर्ण रूपमा सवारी सञ्चालन गर्न अझै परिपक्व नभएकाले असार २५ गतेसम्म सवारी आवागमनमा रोक लगाइएको बताएका छन् ।
सडक बन्द रहेको अवधिभर सवारी साधनहरूलाई वैकल्पिक मार्गको रूपमा कुलेखानी सिस्नेरी दक्षिणकाली सडक प्रयोग गरी आवागमन गर्न अनुरोध समेत गरेको छ।
© 2026 All right reserved to khabarcnter.com | Site By : Sobij
