२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । सर्वोच्च अदालत प्रशासनले राज्यका उच्च पदस्थ व्यक्तिहरूलाई प्रयोग गरिने ‘सम्माननीय’ र ‘माननीय’ जस्ता विशेषण र सम्बोधनहरू हटाउन माग गर्दै दायर गरिएको रिट निवेदन सोमबार दरपीठ गरिदिएको छ।
अधिवक्ता कुमार प्रसाद थपलियाले आज नै प्रधानमन्त्री तथा मन्त्रिपरिषद्को कार्यालय समेतलाई विपक्षी बनाई दिएको निवेदन दरपीठ गरेको हो ।
सर्वोच्च अदालत प्रशासनले उक्त निवेदन दर्ता गर्न नमिल्ने कारण खुलाउँदै दरपीठ आदेश जारी गरेको छ । आदेशमा भनिएको छ, ‘निवेदकको कस्तो मौलिक वा कानुनी हक कसरी हनन हुन गएको हो र उल्लेखित विषयसँग निवेदकको सार्थक सम्बन्ध र तात्त्विक सरोकार के रहेको छ भन्ने कुरा पुष्टि हुने कुनै कागजात पेस गरेको देखिएन ।’
अधिवक्ता थपलियाले आफ्नो निवेदनमा नेपालको संविधान र कानुनको स्पष्ट अख्तियारीबिना नै ‘सम्माननीय’ र ‘माननीय’ जस्ता विभेदकारी र वर्ग विभाजनकारी शब्दहरू सरकारी कामकाज, पत्राचार र राजपत्रमा प्रयोग भइरहेको दाबी गरेका थिए।
© 2026 All right reserved to khabarcnter.com | Site By : Sobij
