२०८३ आश्विन २ गते शुक्रवार
२०८३ आश्विन २ गते शुक्रवार
.gif)
काठमाडौं । काठमाडौंको पेप्सीकोलास्थित सुर्यमुखी चोकमा सञ्चालित दुई वटा गोदाममा आगलागी भएको छ ।
गए राति काठमाडौं-३२ स्थित माँ ट्रेडर्स र तलेजु भवानी कन्सर्नमा आगलागी भएको हो । आगलागी नियन्त्रणमा आएको जिल्ला प्रहरी परिसर काठमाडौँका एसपी पवन भट्टराईले बताएका छन् ।
शंखरापुर नगरपालिका वडा नम्बर-६ साँखु घर भएका धिरेन्द्र रन्जितकारले सञ्चालन गरेको माँ ट्रेडर्समा आगलागीबाट चाउचाउ र इनर्जी ड्रिंक क्षति भएको छ । रन्जितकार, उमेश कवाङ, रत्न दास श्रेष्ठ र ज्ञान रत्न मानन्धर मिलेर सञ्चालन गरेको तलेजु भवानी ट्रेड कन्सनको गोदाम घरमा राखिएको बियर आगलागीको कारण नष्ट भएको छ ।
दुवै गोदाम राम श्रेष्ठको जग्गा भाडामा लिएर गोदाम घर सञ्चालन गरिएको थियो । ३ वटा दमकल प्रयोग गरेर आगो नियन्त्रणमा लिइएको एसपी भट्टराईले जानकारी दिएका छन् ।
© 2026 All right reserved to khabarcnter.com | Site By : Sobij
