सांसद ज्ञानेन्द्र शाहीको माग: 'सवारी दुर्घटना भएमा राज्यविरुद्ध ज्यानमार्ने उद्योगमा मुद्दा चल्नुपर्छ'

आषाढ १४, २०८३ आइतवार

834

सांसद ज्ञानेन्द्र शाहीको माग: 'सवारी दुर्घटना भएमा राज्यविरुद्ध ज्यानमार्ने उद्योगमा मुद्दा चल्नुपर्छ'

काठमाडौं । राष्ट्रिय प्रजातन्त्र पार्टी (राप्रपा) का संसदीय दलका नेता ज्ञानबहादुर शाहीेले सडकका कारण सवारी दुर्घटना भएमा ज्यान मार्ने उद्योगमा मुद्दा चलाउन कानूनी व्यवस्था गर्न सरकारसँग माग गरेका छन् ।

सरकारले ट्राफिक नियम उलंघन गर्ने नागरिकलाई एक लाखसम्म जरिवाना असुल गर्ने लगायतका व्यवस्था गर्न लागेको चर्चा भईरहेका बेला नेता शाहीले सडकमा खाल्डो भएर सवारी दुर्घटना भएमा सम्बन्धित सरकारी निकाय र ठेकेदारलाई ज्यानमाराको अभियोग लगाउने गरी सरकारले कानूनी व्यवस्था गर्नुपर्ने माग गरेका हुन् । आईतवार प्रतिनिधि सभा बैठकमा बोल्दै उनले सरकारले जनतालाई दण्ड दिने गरी कुनैपनि खालको गतिविधि गर्न नपाईने पनि स्पष्ट पारेका छन् ।

नेता शाहीले ट्राफिक नियम उलंघन गर्दा नागरिकले एक लाख जरिवाना तिनुपर्ने व्यवस्था हुने हो भने राज्यले बाटोमा खाल्डोमात्रै भेटियो भने राज्यले एक लाख जरिवाना तिर्ने, ट्राफिक बत्ति बिग्रिएको पाइयो भने अर्को एक लाख तिर्ने, ट्राफिक प्रहरीले रुखो व्यवहार गरेमा ५० हजार, राति सडकमा बत्ति बिग्रिएमा ५० हजार तिर्ने, ट्रायल पास भएको एक हप्ता भित्र लाईसेन्स नदिए ५० हजार तिर्ने व्यवस्था गर्नुपर्ने प्रश्ताव समेत राखेका छन्।

प्रकाशित मिति :आषाढ १४ २०८३ आइतवार - १३:१२:४६ बजे

प्रतिक्रिया