२०८३ आश्विन २ गते शुक्रवार
२०८३ आश्विन २ गते शुक्रवार
.gif)
काठमाडौं । म्याग्दीमा पहिरोले गाडी पुरिँदा एक जनाको मृत्यु भएको छ। अन्नपूर्ण गाउँपालिका-६ महभिरस्थित बेनी-जोमसोम सडकखण्डमा गएराति पहिरो खस्दा एउटा ईभी गाडी पुरिएको हो।
सो दुर्घटनामा गाडी चालक पर्साको वीरगन्ज महानगरपालिका(२१ बस्ने २३ वर्षीय सोहेल मियाको मृत्यु भएको प्रहरीले जनाएको छ।गएराति करिब २ बजे ढुंगा माटोसहितको पहिरो खस्दा नम्बर नखुलेको ईभी गाडी पुरिएको हो।
घटनाको जानकारी पाउँने बित्तिकै जिल्ला प्रहरी कार्यालय म्याग्दी र गुल्म हेक्वाबाट सशस्त्र सहितको संयुक्त उद्धार टोली घटनास्थलमा खटिएको थियो।
उद्धार टोलीले गाडीभित्र रहेका मियालाई निकालेर उपचारका लागि प्रदेश अस्पताल बेनी पुर्याउनासाथ चिकित्सकले मृत घोषणा गरेका हुन्।
पहिरोका कारण-बेनी जोमसोम सडक पूर्ण रूपमा अवरुद्ध भएको छ। पहिलो पन्छाएर बेनी–जोमसोम सडकखण्ड खुलाउने प्रयास जारी रहेको पनि प्रहरीले जनाएको छ।
© 2026 All right reserved to khabarcnter.com | Site By : Sobij
