सुनिता डङ्गोल इजरायल प्रस्थान

आषाढ ७, २०८३ आइतवार

806

काठमाडौं । इजरायलको तेल अभिभमा आयोजना हुने म्युनिसिपल कन्फरेन्सको दशौँ संस्करणमा भाग लिन काठमाडौँ महानगरपालिकाका कार्यवाहक प्रमुख सुनिता डङ्गोल, प्रवक्ता नवीन मानन्धर र विपद् व्यवस्थापन समितिका संयोजक प्रेम थापा इजरायल प्रस्थान गरेका छन् ।

इजरायल सरकार विदेश मन्त्रालयको निमन्त्रणामा उनीहरू शनिबार रातिको उडानबाट कार्यक्रमका लागि प्रस्थान गरेका हुन् ।

‘सफल साझेदारी (वीनिङ पार्टनरसिप)’ शीर्षकमा हुने सम्मेलनमा भाग लिन विश्वका १५० भन्दा धेरै सहरका प्रमुख, नगरपालिकाका नेताहरू, सरकारी अधिकारी, सहरी योजनाकार तथा विज्ञहरूको सहभागिता हुनेछ ।

असार ९, १० र ११ गते (जुन २३,२४ र २५ तारिख) गरी ३ दिन चल्ने कार्यक्रममा नेपालबाट काठमाडौँसहित पोखरा महानगरपालिका र जनकपुर नगरपालिकाका प्रमुख तथा प्रतिनिधिहरू सहभागिताका लागि गएका छन् । उनीहरू सम्मेलनसँगै आयोजना हुने प्रदर्शनी (एक्पो) मा वृहत् व्यावसायिक भ्रमणमा सहभागी हुनेछन् ।

यो कार्यक्रम इजरायलको स्थानीय सरकार महासङ्घको प्रमुख वार्षिक कार्यक्रम हो ।

प्रकाशित मिति :आषाढ ७ २०८३ आइतवार - ११:४५:०८ बजे

प्रतिक्रिया