२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । सम्पत्ति शुद्धीकरण कसुरमा व्यवसायी दीपक भट्ट र व्यवसायी सुलभ अग्रवालको बयान सुरु भएको छ । सोमबार विशेष अदालतका अध्यक्ष सुदर्शनदेव भट्ट तथा सदस्य न्यायाधीशहरू उमेश कोइराला र विदुर कोइरालाको इजलासमा बयान भइरहेको हो ।
२६ अर्ब ६३ करोड रुपैयाँभन्दा बढी बिगो दाबी गर्दै मुद्दा चलाइएका व्यवसायी दीपक भट्ट र व्यवसायी सुलभ अग्रवालको बयान सुरु भएको छ । शुक्रबार भट्टको बयान पूरा नभएपछि सोमबार पुनः बयानलाई निरन्तरता दिइएको हो । बयान सकिएमा आजै थुनछेक बहस हुने छ ।
प्रहरीको केन्द्रीय अनुसन्धान ब्युरो (सीआईबी) को अनुसन्धान प्रतिवेदनका आधारमा विशेष सरकारी वकिल कार्यालयले सम्पत्ति शुद्धीकरण मुद्दामा दीपक भट्ट, शंकर ग्रुपका सञ्चालक सुलभ अग्रवाल, शंकरलाल अग्रवाल, सन्दीप चाचन अग्रवाल र अमित मोरसहितलाई प्रतिवादी कायम गरेको छ । सन्दीप चाचन अग्रवाल ब्रोकिङ कम्पनी दलाल नम्बर ५५ का अध्यक्ष हुन् ।
सम्पत्ति शुद्धीकरण मुद्दामा अनुसन्धानका लागि दीपक भट्टलाई चैत १९ गते पक्राउ गरिएको थियो भने शंकर ग्रुपका सञ्चालक सुलभ अग्रवाल चैत २२ गते पक्राउ परेका थिए ।
© 2026 All right reserved to khabarcnter.com | Site By : Sobij
