सेफ सन्तोष साह पक्राउ

जेठ ३०, २०८३ शनिवार

1.8K

काठमाडौँ । प्रहरीले सिरहाको कर्जन्हा नगरपालिका–११ का सेफ सन्तोष साहलाई बैंकिङ कसुरमा पक्राउ गरेको छ ।

काठमाडौँ उपत्यका अपराध अनुसन्धान कार्यालयबाट खटिएको टोलीले साहलाई शुक्रबार जनकपुर उपमहानगरपालिका–८ को रामानन्द चोकबाट पक्राउ गरेको हो।

साहसँगै कर्जन्हा–९ का नारायण साह सुडी पनि पक्राउ परेका छन् । एक महिलाले ठगी सम्बन्धमा दिएको जाहेरीका आधारमा काठमाडौं जिल्ला अदालतबाट पक्राउ अनुमति लिएर साहलाई पक्राउ गरिएको प्रहरीले जनाएको छ ।

गैरीधारास्थित एक रेष्टरेन्ट खरिद गर्दा उनले उक्त कसुर गरेको आरोप छ ।

प्रकाशित मिति :जेठ ३० २०८३ शनिवार - १०:५२:१३ बजे

प्रतिक्रिया