२०८३ कार्तिक १५ गते आइतवार
२०८३ कार्तिक १५ गते आइतवार
.gif)
काठमाडौं । रोजगार अनुमति प्रणाली (ईपीएस) अन्तर्गत दक्षिण कोरिया जान प्रतीक्षारत युवाहरूले सोमबार माइतीघर मण्डलामा प्रदर्शन गरेका छन्।
ईपीएस भाषा परीक्षा तथा आवश्यक प्रक्रिया पूरा गरेपछि पनि हजारौं युवा लामो समयदेखि कोरिया जान प्रतीक्षामा रहेको उनीहरूको गुनासो छ।
कोरियाली रोजगारदाताबाट ‘रोस्टर’ मा परे पनि श्रम सम्झौता नआउनु, सीमित श्रम कोटा, प्रक्रिया ढिलाइ तथा प्रशासनिक जटिलताका कारण जान नपाएको प्रदर्शनकारीहरूले बताएका छन्।
प्रदर्शनमा सहभागी युवाहरूले भाषा परीक्षा उत्तीर्ण गर्न वर्षौं समय खर्चिएको र तालिम तथा कागजी प्रक्रियामा ठूलो रकम लगानी गरे पनि रोजगारका लागि कोरिया जान नपाएको बताएका छन्।
पास गरेकोलाई कोरिया पठाऊ र रोजगारको अधिकार सुनिश्चित गरु लगायतका नारासहित प्रदर्शनमा उत्रिएका युवाहरूले सरकारले आफूहरूलाई शीघ्र दक्षिण कोरिया पठाउने व्यवस्था मिलाउन माग गरेका हुन्।
© 2026 All right reserved to khabarcnter.com | Site By : Sobij
