२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । महान्यायाधिवक्ता डा. नारायणदत्त कँडेलको योग्यतामा प्रश्न उठाउँदै सर्वोच्च अदालतमा दायर तीन वटा रिटको पेसी ‘हेर्न नभ्याइने’ सूचीमा राखिएको छ । सोमबार न्यायाधीशद्वय अब्दुल अजीज मुसलमान र सुनिल कुमार पोखरेलको संयुक्त इजलासमा ‘ल’ क्रमसङ्ख्यामा रहेको उक्त पेसी ‘हेर्न नभ्याइनेमा’ राखेसँगै स्थगित भएको हो ।
महान्यायाधिवक्ताको योग्यतामाथि प्रश्न उठाउँदै अधिवक्ताहरू माधवकुमार बस्नेत, दीपकराज जोशीसहित ४ जना र शिराज बरालले दायर गरेको रिट दायर गरेका थिए ।
यसअघि सर्वोच्च अदालतले उक्त रिटमा सुनुवाइ गर्दै न्यायाधीश कुमार रेग्मीको एकल इजलासले सरकारका नाममा कारण देखाऊ आदेश जारी गरेको थियो । सरकारको तर्फबाट लिखित जवाफ पेस भएसँगै अन्तरिम आदेशको सम्बन्धमा सुनुवाइका लागि पेसी तोकिएको हो ।
प्रधानमन्त्री बालेन्द्र शाह (बालेन) ले महान्यायाधिवक्ता कँडेललाई यही चैत २२ गते महान्यायाधिवक्तामा नियुक्त गरेका थिए ।
© 2026 All right reserved to khabarcnter.com | Site By : Sobij
