२०८३ आश्विन २ गते शुक्रवार
२०८३ आश्विन २ गते शुक्रवार
.gif)
काठमाडौं । रौतहटको बौद्धिमाइ नगरपालिका वडा नम्बर ८ सरमुजवास्थित शंकर माध्यमिक बिद्यालयमा कार्यरत शिक्षक रामबाबु यादवलाइ कुटपिट गरेको प्रकरणमा शिक्षकहरू आन्दोलित भएका छन् ।
विद्यालयमा पढाइरहेका बेला नगर शिक्षा संयोजक रमेश यादवले फोन गरेर नगरपालिकामा बोलाएको भन्दै नगरपालिका जाँदा नगर प्रमुख प्रदीप यादवले कार्यकक्षमै शिक्षकलाई कुटेका हुन् ।
शिक्षक यादवले भदौको जेन्जी आन्दोलनको बेला फेसबुकमा हालेको एउटा स्ट्याटसको विषयलाई लिएर मेयर यादव, वडा नम्बर ८ का वडा अध्यक्ष बिन्देश्वर यादव र कार्यपालिका सदस्य सुनिल जैसवालको सहयोगमा निर्मम तरिकाले कुटपिट भएको बताएका छन् ।
फेसबुकमा कुनै नगरपालिका, मेयर, वडाअध्यक्षको नाम नलेखी राखेको स्ट्याटसका कारण मेयर यादवले गालीगलौज गरी रस्सीले बाधेर कुटपिट गरेको उनले बताएका छन् । वैशाख २९ गते भएको घटनाको बिषयमा प्रहरीले कारबाही गर्न आनाकानी गरेपछि पीडितले सञ्चारकर्मीसँग पीडा पोखेर घटना सार्वजनिक भएको हो ।
घटना सार्वजनिक भएपछि जिल्लाका शिक्षक संघ संगठनहरूले सामूहिक रुपमा विज्ञप्ति जारी गर्दै जेष्ठ ५ गते भित्र घटनामा संलग्न मेयर र वडा अध्यक्षलाई कारबाही नभए सडक संघर्षमा उत्रिने चेतावनी दिएका छन् ।
© 2026 All right reserved to khabarcnter.com | Site By : Sobij
