२०८२ भाद्र १० गते मंगलवार
२०८२ भाद्र १० गते मंगलवार
पोखरा । गण्डकी प्रदेशसभाको बजेट अधिवेशन आज (आइतबार)बाट सुरु हुँदैछ । असार १ गतेभित्र बजेट ल्याउनुपर्ने संवैधानिक व्यवस्था अनुसार प्रदेशसभाको बजेट अधिवेशन सुरु हुन लागेको हो । सरकारले आगामी आवको प्रिबजेट सोमबार पेश गर्ने तयारी गरेको छ ।
आइतबार अधिवेशनको पहिलो दिन संसदीय दलका नेताहरूले बोल्ने कार्यसूची तय भएको छ । मुख्यमन्त्री पृथ्वीसुब्बा गुरुङले बजेट अधिवेशनबाट विश्वासको मत लिनेछन् । २९ बैशाखमा दोस्रो पटक मुख्यमन्त्री नियुक्त भएका मुख्यमन्त्री गुरुङले ३० दिनभित्र विश्वासको मत लिनै पर्ने संवैधानिक प्रावधानअनुसार उनले विश्वासको मत लिने भएका हुन् ।
गण्डकी सरकारले बजेटका सिद्धान्त र प्राथमिकताका बिषयमा छलफल गरिसकेपछि मात्रै विश्वासको मत लिने प्रदेश सरकारका प्रवक्ता एवं भौतिक पुर्वाधार तथा कानुन मन्त्री रामशरण बस्नेतले जानकारी दिए ।
‘हामीले जसरी पनि असार १ गते बजेट ल्याउनु पर्ने हुन्छ । तसर्थ पहिलो प्राथमिकता त्यसका लागि दिन्छौँ, दिनु आवश्यक छ। तसर्थ १७ गते प्रदेश सभा बैठकमा विनियोजन विधेयक २०७८ को सिद्धान्त र प्राथमिकता प्रस्तुत गरिसकेपछि मात्रै विश्वासको मत लिने तर्फ जानेछौँ’, मन्त्री बस्नेतले भने ।
© 2025 All right reserved to khabarcnter.com | Site By : Sobij
