२०८३ आश्विन २ गते शुक्रवार
२०८३ आश्विन २ गते शुक्रवार
.gif)
काठमाडौं । अखिल नेपाल सुकुमबासी सङ्घ र संयुक्त राष्ट्रिय सुकुमबासी मोर्चाले देशका विभिन्न स्थानमा भइरहेको डोजर आतङ्क र संस्थागत हत्याको विरुद्धमा राजधानीको माइतीघमा खबरदारी कार्यक्रम आयोजना गरेका छन्।
प्रदर्शनमा सहभागीहरूले सुकुमबासीका मुद्दालाई सम्बोधन गर्नुको साटो सरकार र स्थानीय प्रशासनले बल प्रयोग गरेर उनीहरूलाई विस्थापित गर्न खोजेको आरोप लगाएका छन्।
उनीहरूले यस्तो कार्यलाई संस्थागत हत्याको संज्ञा दिँदै तत्काल डोजर आतङ्क बन्द गर्न र आफूहरूको जिउधनको सुरक्षा गर्न माग गरेका छन्। खबरदारी कार्यक्रमका क्रममा सुकुमबासी अधिकारकर्मीहरूले भूमिहीन र सुकुमबासीहरूको संवैधानिक हकको रक्षा गर्न र उनीहरूलाई स्थायी बसोबासको ग्यारेन्टी गर्न सरकारसँग माग गरेका छन्।
माइतीघरमा भेला भएका प्रदर्शनकारीहरूले विभिन्न नारा अङ्कित प्लेकार्ड बोकेर सरकारको कार्यशैलीप्रति आक्रोश व्यक्त गर्दै न्यायका लागि दबाब दिएका छन्।
© 2026 All right reserved to khabarcnter.com | Site By : Sobij
