२०८३ बैशाख ३० गते बुधवार
२०८३ बैशाख ३० गते बुधवार
काठमाडौं । सभामुख डोलप्रसाद अर्यालले नेकपा एमाले संसदीय दलका नेता रामबहादुर थापा बादलले मंगलबारको संसद् बैठकमा बोलेका तीन शब्द रेकर्डबाट हटाउन लगाएका छन्।
राष्ट्रिय स्वतन्त्र पार्टीका सांसद मनिष खनाल र रमेश प्रसाईंले बादलको भनाइप्रति गम्भीर असहमति जनाउँदै बैठकमा नियमापत्ति गरेका थिए।
त्यसपछि बुधबार दोस्रो पटक बसेको प्रतिनिधि सभाको बैठकमा अर्यालले बादलद्वारा मंगलबार भएको सम्बोधनका क्रममा तीनवटा शब्द हटाउन संसद् सचिवालयलाई निर्देशन दिएका हुन् ।
सभामुख अर्यालले बादलले मंगलबार गरेको सम्बोधनका क्रममा नेपाली सेना, जेन-जी आन्दोलनसहितबारेमा कडा टिप्पणी गरेका थिए । त्यसक्रममा उनले भदौ २३ र २४ गतेको आन्दोलनका क्रममा देशका संरचना जल्दा नेपाली सेना मुकदर्शक र रमिते बनेको बताएका थिए।
त्यसैगरी बादलले अहिले रास्वपाकै सांसद रहेका कतिपयले राष्ट्रिय झन्डा ओढेर देश जलाउन हिँडेको बताएका थिए । बादलले अहिलेको संसद्मा रहेका रास्वपा सांसदहरूलाई पनि अराजकहरूको भिडको संज्ञा दिएका थिए ।
सभामुखले हटाउन लगाएका तीन शब्द
सभालाई अराजकहरूको भिड
राष्ट्रिय झन्डा ओढेर देश जलाउनेहरू
नेपाली सेना मुकदर्शक
© 2026 All right reserved to khabarcnter.com | Site By : Sobij
