२०८३ बैशाख २३ गते बुधवार
२०८३ बैशाख २३ गते बुधवार
काठमाडौं । नेपाल रेडक्रस सोसाइटीको आगामी निर्वाचन प्रक्रिया अर्को सूचना नभएसम्मका लागि स्थगित गरिएको छ । सीडीओ कार्यालयको निर्देशनपछि रेडक्रस केन्द्रीय कार्यालयले आइतबार परिपत्र जारी गर्दै निर्वाचनका सम्पूर्ण कार्यक्रमहरू यथास्थितिमा राख्ने निर्णय गरेको हो ।
जसअन्तर्गत पालिका शाखाको निर्वाचन वैशाख २६ देखि जेठ ४ गतेसम्म, जिल्ला शाखाको जेठ १५ गते, प्रदेश समितिको असार २ गते र केन्द्रीय समितिको निर्वाचन असार २४ र २५ गतेका लागि तय गरिएको थियो ।
महामन्त्री मीनबहादुर मल्लले हाल सुरू गरिएको निर्वाचन प्रक्रिया अर्को सूचना नभएसम्म यथास्थितिमा राख्न निर्देशन प्राप्त भएकाले सोही बमोजिम गर्न भनेका छन् ।
जिल्ला प्रशासन कार्यालय काठमाडौंले २ दिनअघि अर्को सूचना नभएसम्मका लागि निर्वाचन प्रक्रिया स्थगित गर्न रेडक्रसलाई निर्देशन दिएको थियो ।
© 2026 All right reserved to khabarcnter.com | Site By : Sobij
