२०८२ चैत्र ३० गते सोमवार
२०८२ चैत्र ३० गते सोमवार
काठमाडौं । बचतकर्ताको रकम हिनामिना भएपछि सङ्कटग्रस्त सहकारी घोषणा भएको अम्बे कोशी सहकारीका साना बचतकर्ताको रकम फिर्ताको प्रक्रिया सुरु भएको छ । सुनसरीको इटहरीमा कार्यालय रहेको अम्बे कोशी सहकारीमा २० हजार रुपैयाँ भन्दा कम बचत भएका बचतकर्ताको रकम फिर्ता गर्ने प्रक्रिया सुरु भएको हो ।
समितिको पहलमा पहिलो चरणमा २० हजार रुपैयाँ भन्दा कम बचत भएका बचतकर्ताको रकम फिर्ता सुरु गर्न लागिएको उद्योग कृषि तथा सहकारी मन्त्रालयका सचिव डा। पशुपति ढुङ्गानाले बताएका छन् ।
सचिव डा।पशुपति ढुङ्गानाका अनुसार पहिलो चरणमा साना बचतकर्तालाई प्राथमिकतामा राखिएको र उनीहरूको रकम सिधै बैङ्क खातामा पठाइने व्यवस्था गरिएको बताएका छन् ।
समस्याग्रस्त सहकारी व्यवस्थापन समितिका सदस्य जीवन काफ्लेका अनुसार पहिलो चरणमा २० हजार रुपैयाँसम्म बचत गरेका २ सय ८७ जना बचतकर्तालाई करिब १ करोड ३८ लाख रुपैयाँ फिर्ता गरिने भएको छ।
सहकारीका अध्यक्ष फणिन्द्र मगरलगायतले करिब ९ हजार बचतकर्ताबाट सङ्कलित ४२ करोड रुपैयाँभन्दा बढी रकम अपचलन गरेको खुलेको छ । अध्यक्ष मगर बचतकर्ताको रकम हिनामिना गरेको अभियोगमा पक्राउ परी कारागार चलान भएका थिए ।
© 2026 All right reserved to khabarcnter.com | Site By : Sobij
