२०८२ चैत्र २६ गते बिहिवार
२०८२ चैत्र २६ गते बिहिवार
तेल अभिभ । इजरायलका प्रधानमन्त्री बेन्जामिन नेतन्याहुले अमेरिका–इजरायलबिच युद्धविराम सम्झौता भएयता पनि हेज्बुल्लाहमाथि आक्रमण जारी राख्ने चेतावनी दिएका छन् ।
उक्त युद्धविराममा लेबनान समावेश छैन भनेर इजरायलले यसअघि नै घोषणा गरेको छ । तर इरानले चाहिँ लेबनानमाथि इजरायलको लगातार आक्रमण सम्झौताको गम्भीर उल्लङ्घन भनेको छ ।
‘हाम्रो सन्देश स्पष्ट छ, इजरायली नागरिकविरुद्ध जो कोही कार्य गर्छ, ऊ निशानामा पर्नेछ । जबसम्म उत्तरका बासिन्दाहरूलाई पूर्ण सुरक्षा प्रदान हुँदैन तबसम्म हामी हिज्बुल्लाहमाथि जहाँ आवश्यक छ, त्यहाँ आक्रमण जारी राख्नेछौँ,’ नेतन्याहुले भनेका छन् ।
उनको यो अभिव्यक्ति इजरायली रक्षा बल (आईडीएफ) ले हिज्बुल्लाहका सचिव नइम कासिमका भतिजा र निजी सचिव अलि युसुफ हर्षी मारिएको घोषणा गरेपछि आएको हो ।
© 2026 All right reserved to khabarcnter.com | Site By : Sobij
