२०८२ चैत्र २३ गते सोमवार
२०८२ चैत्र २३ गते सोमवार
काठमाडौं । नवलपरासी (बर्दघाट सुस्ता पूर्व) को देवचुली नगरपालिका-१६ मा एक पुरुष आज मृत भेटिएका छन् । उनकी श्रीमती गम्भीर घाइते अवस्थामा फेला परेका छन् ।
स्थानीय ७५ वर्षीय जीवनराम थनेत आफ्नै घरभित्र टाउकोमा छुरा प्रहार भएजस्तो घाउसहित मृतावस्थामा फेला परेका हुन् । उनकी ७० वर्षीय श्रीमती गुलबासेनिया थनेत पनि टाउकोमा गम्भीर चोटसहित अचेत अवस्थामा भेटिएको जिल्ला प्रहरी कार्यालय नवलपरासीका प्रहरी उपरीक्षक युवराज खड्काले बताएका छन् ।
उनका अनुसार घाइते गुलबासेनियालाई उपचारका लागि चितवन लगिएको छ । घरमा दम्पती मात्र बस्दै आएका र छोराबुहारी छुट्टै घरमा बस्दै आएको खुलेको छ । घटनास्थलमा कुकुर सहितको अनुसन्धान टोली खटिएको प्रहरी उपरीक्षक खड्काले बताएका छन् ।
© 2026 All right reserved to khabarcnter.com | Site By : Sobij
