२०८२ चैत्र ९ गते सोमवार
२०८२ चैत्र ९ गते सोमवार
काठमाडौं । गत शुक्रवार र शनिवारको निरन्तर वर्षापछि काठमाडौं उपत्यकाको मौसममा निकै सुधार आएको छ । लामो समयदेखिको धुलो र वायु प्रदुषणलाई वर्षाले पखालेपछि उपत्यकाको आकाश कञ्चन नीलो देखिएको छ भने वरिपरिका डाँडाकाँडाहरू अत्यन्तै मनमोहक देखिएका छन् ।
वर्षापछि काठमाडौंको वायुमण्डल यति सफा भएको छ कि उपत्यकाको एक छेउबाट अर्को छेउका घरहरू र डाँडाहरू प्रष्ट देख्न सकिन्छ । आकाशमा तैरिरहेका सेता बादलका थुप्राहरूले उपत्यकाको सुन्दरतामा थप रौनक थपेका छन् । मनमोहक हिमाल र डाँडाकाँडा मौसम खुलेसँगै उपत्यकाका अग्ला स्थानहरूबाट उत्तरतर्फका हिमश्रृङ्खलाहरू मुस्कुराएको देख्न सकिन्छ ।
वर्षाले वायुमण्डलमा रहेको धुलोका कणहरू भुइँमा झारिदिएपछि ‘भिजिबिलिटी’ बढेको हो । पहाडका चुचुराहरूमा रहेका गुम्बा र मठमन्दिरहरू नीलो आकाशको पृष्ठभूमिमा निकै आकर्षक देखिएका छन् । नागार्जुन र स्वयम्भू वरपरका डाँडाहरूमा हरियाली छाएको छ, जसले गर्दा उपत्यकाबासीलाई प्रकृतिसँग नजिक भएको महशुस गराएको छ ।
यो बदलिएको मौसमले काठमाडौंवासीको जनजीवनमा उत्साह थपेको छ । वायु प्रदुषणको उच्च जोखिममा रहेको शहरमा वर्षापछि हावाको गुणस्तरमा उल्लेख्य सुधार आएको छ । सडकमा गुड्ने सवारी साधनहरू र पैदलयात्रीहरूले धुलोबाट राहत पाएका छन् ।
मुख्य सडकहरू सफा छन् र मानिसहरू खुलेको मौसमको आनन्द लिँदै यात्रा गरिरहेका छन् । धुलो र धुवाँले ढाकिने शहर सफा भएपछि मानिसहरू बिहानी र बेलुकीको समयमा घुमफिर गर्न र तस्बिर खिच्न डाँडाकाँडाहरूमा पुग्ने गरेका छन् । प्रकृतिले फेरेको काँचुली हिउँदको अन्त्य र वसन्तको शुरुवातसँगै भएको यो वर्षाले सुक्खा हुन लागेका बोटबिरुवालाई नयाँ जीवन दिएको छ ।
रूखका हाँगाहरूमा नयाँ पालुवा पलाउन थालेका छन् । शहरका घरका छानाहरू र सडकहरू धुलोमुक्त देखिएका छन् । यो साताको वर्षा केवल झरी मात्र नभई काठमाडौंको लागि एउटा ‘नेचुरल एयर प्युरिफायर’ सावित भएको छ । उपत्यकावासीहरू अहिले प्रदुषणमुक्त स्वच्छ हावामा सास फेर्न पाउँदा निकै खुशी देखिन्छन् ।
© 2026 All right reserved to khabarcnter.com | Site By : Sobij
