२०८२ चैत्र ८ गते आइतवार
२०८२ चैत्र ८ गते आइतवार
काठमाडौं । कपिलवस्तुमा शनिबार बिहानदेखि सुरु भएको हिन्दु र मुस्लिम समुदाय बिचको विवाद टुङ्गिएको छैन । मुस्लिमहरूले ईद मनाउँदै गर्दा शनिवार महराजगञ्ज नगरपालिका-२ स्थित बरगदा र बहादुरगञ्ज क्षेत्रमा हिन्दु र मुस्लिम समुदायको बिचमा झडप भएको थियो ।
झडप नियन्त्रणमा लिन प्रहरीले हवाई फायर गरेको थियो भने झडपमा ३ जना घाइते भएका थिए ।
जिल्ला प्रशासन कार्यालयले महाराजगञ्ज बजार क्षेत्र हुँदै बर्गदी पुल र बहादुरगञ्ज चोकसम्म लगाएको निषेधाज्ञा अहिले पनि निरन्तर छ । विवाद समाधान गर्न अहिले सर्वदलीय र सर्वपक्षीय छलफल भइरहेको कपिलवस्तुका प्रमुख जिल्ला अधिकारी जनार्दन गौतमले बताएका छन् ।
चैत ७ मा मुस्लिम समुदायका स्थानीयहरू बरगदाको मस्जिदमा नमाज पढिरहेको बेला नजिकैको रहेको मन्दिरमा डिजे बजाएपछि विवाद सुरु भएको कपिलवस्तुका एसपी सन्तोष आचार्यले बताएका छन् ।
© 2026 All right reserved to khabarcnter.com | Site By : Sobij
