२०८२ चैत्र ४ गते बुधवार
२०८२ चैत्र ४ गते बुधवार
पोखरा । जिल्ला प्रहरी कार्यालय, कास्कीले मानव बेचबिखन तथा ओसारपसारमासम्बन्धी कसूरमा २ जनालाई पक्राउ गरेको छ । साथै, चार जना युवतीको उद्धार गरिएको जिल्ला प्रहरी कार्यालयका प्रवक्ता डिएसपी हरिबहादुर बस्नेतले जानकारी दिए ।
गत १ चैतमा पोखराको जाल्पारोडस्थित विभिन्न खाजाघरहरूमा होहल्ला तथा अनैतिक क्रियाकलाप हुने गरेको सूचनाको आधारमा प्रहरी टोली परिचालन गरिएको थियो ।
प्रहरीको अनुसन्धानमा ती खाजाघरमा आर्थिक अवस्था कमजोर भएका महिलाहरूलाई प्रलोभनमा पारेर काम लगाइने र केही समयपछि त्यहाँ आउने पुरुषहरूबाट रकम लिई महिलालाई जबरजस्ती रात बिताउन तथा अनैतिक कार्यमा संलग्न गराउने गरेको भेटिएको थियो ।
प्रहरीले घटनामा संलग्न पोखरा निवासी भारतीय नागरिक २४ वर्षीय राधेश्याम शाह र बागलुङको काठेखोला–४ का २८ वर्षीय खेमु थापालाई प्रहरीले पक्राउ गरेको हो ।
दुवै जनाविरुद्ध कास्की जिल्ला अदालतबाट मानव बेचबिखन तथा ओसारपसारसम्बन्धी कसूरमा ७ दिनको म्याद थप गरी घटनाको अनुसन्धान बढाइएको जानकारी डिएसपी बस्नेतले दिए ।
© 2026 All right reserved to khabarcnter.com | Site By : Sobij
