२०८२ चैत्र २ गते सोमवार
२०८२ चैत्र २ गते सोमवार
काठमाडौं । सुर्खेतमा एक महिला आफ्ना दुई छोराछोरीसहित बेपत्ता भएकी छिन् । बेपत्ता हुनेमा गुर्भाकोट नगरपालिका-१२ पिप्लेकी ३८ वर्षीय माया कठायत, उनकी ११ वर्षीया छोरी आशा कठायत र ५ वर्षका छोरा दीपक कठायत रहेका छन् ।
जिल्ला प्रहरी कार्यालय सुर्खेतका प्रहरी नायव उपरीक्षक मोहनजंग बुढाथापाका अनुसार, आइतबार बिहान ७ बजेतिर माया छोराछोरीसहित घरबाट सम्पर्कविहीन भएकी थिइन् । मायाका श्रीमान् भूपेन्द्र कठायतले बेलुका प्रहरी चौकी गुमीमा खबर गरेका थिए ।
त्यसपछि प्रहरी वरिष्ठ हवल्दार गोपाल गुरुङको कमाण्डमा ४ जनाको प्रहरी टोली र स्थानीयहरू खोजतलासमा खटिएका थिए ।
घरदेखि करिब ३ किलोमिटर पर्ने भेरी नदी किनारमा मायाले प्रयोग गरेको झोला, सल, चप्पल र मोबाइल फेला परेको प्रहरी नायव उपरीक्षक बुढाथापाले बताएका छन् ।
प्रहरीले उनीहरू भेरीमा बेपत्ता भएको आशङ्का गरेको छ । उनका अनुसार, हाल भेरी नदीको आसपासको क्षेत्रमा खोजतलासको लागि ३५ जना प्रहरी तथा स्थानीय व्यक्ति मिलेर खोजतलास गरिरहेका छन् ।
© 2026 All right reserved to khabarcnter.com | Site By : Sobij
