२०८२ भाद्र ६ गते शुक्रवार
२०८२ भाद्र ६ गते शुक्रवार
दैलेख । पूर्वमन्त्री डा. प्रेमबहादुर शाहीको निधन भएको छ ।
७७ वर्षका शाहीको उपचारका क्रममा शिक्षण अस्पताल काठमाण्डौमा निधन भएको उहाँका नाति मीनबहादुर शाहीले जानकारी दिनुभयो ।
२०४३ सालको आमचुनावमा तत्कालीन राष्ट्रिय पञ्चायत सदस्यमा निर्वाचित भएपछि शाही तीन वर्ष आपूर्ति सहायक मन्त्री बन्नुभएको थियो । दैलेखको दुल्लुमा २००१ सालमा जन्मेका शाही पीएचडी गर्ने कर्णाली प्रदेशको पहिलो व्यक्ति हुनुहुन्छ ।
उहाँले २०३८ सालमा त्रिभुवन विश्वविद्यालयबाट अर्थशास्त्रमा पीएचडी गर्नुभएको हो । शाहीले ‘प्रजातन्त्रदेखि गणतन्त्रसम्मका उपलब्धि’ पुस्तक लेख्नुभएको छ ।
© 2025 All right reserved to khabarcnter.com | Site By : Sobij
