काठमाडौं । नेशनल लाईफ इन्स्योरेन्स कम्पनी लिमिटेडले आफ्ना कर्मचारीहरूको प्राविधिक क्षमता अभिवृद्धि तथा व्यावसायिक दक्षता विकास गर्ने उद्देश्यले ट्रान्जिसनिङ टुु द एज अफ आर्टिफिसियल इन्टेलिजेन्स (Transitioning to the Age of Artificial Intelligence) भन्ने नाराका साथ तीन दिने इम्प्लोयी स्किल इन्हान्समेन्ट प्रोग्राम (Employee Skill Enhancement Program) होटल ग्राण्ड पोखरामा सफलतापूर्वक सम्पन्न गरेको छ ।

कार्यक्रममा कम्पनीका अध्यक्ष, प्रमुख कार्यकारी अधिकृत, व्यवस्थापन टोली तथा विभागीय प्रमुखहरू सहित देशभरिका शाखा कार्यालय तथा केन्द्रीय कार्यालयका प्रशासनिक कर्मचारीहरु गरी कुल २७० जना कर्मचारीहरुको सहभागिता रहेको थियो ।कम्पनीका अध्यक्ष श्रीमती प्रेमाराज्य लक्ष्मी सिंहज्यूले पानसमा दीप प्रज्वलन गरी समद्घाटन गर्नुभएको थियो । 

उद्घाटनको क्रममा अध्यक्षज्यूले बीमा व्यवसाय निरन्तर रुपमा प्राविधिक विषय हुँदै गएको सन्दर्भमा आर्टिफिसियल इण्टेलीजेन्स सम्वन्धि यस विस्तृत तालिम प्रशिक्षणबाट कम्पनीको व्यवसाय प्रवद्र्धनमा टेवा पुग्ने आशय व्यक्त गरे । कार्यसम्पादन मुल्यांकनको आधारमा बेस्ट इम्प्लोइ अवार्ड-२०८२ मा उत्कृष्ट ठहरिएको ७ जना कर्मचारीहरु श्री रोहित कुमार श्रेष्ठ, श्री जीवन बाराकोटी, श्री नेमप्रसाद थारु, श्री बेजोन कार्की, श्री योगेश निरौल, श्री नविना खाती र श्री रचना पराजुलीलाई नगद पुरस्कार तथा सम्मान पत्र सहित सम्मान गरेका थिए । 

कम्पनीका प्रमुख कार्यकारी अधिकृत श्री सुरेश प्रसाद खत्रीज्यूले स्वागत मन्तव्यको क्रममा, दक्ष कर्मचारीहरुबाट नै उत्कृष्ट परिणाम प्राप्त गर्न सकिने भएकोले कर्मचारीहरुलाई प्रविधिमा सक्षम बनाई डाटा विश्लेषण तथा ग्राहक सेवा प्रणाली जस्ता उपकरणको प्रभावकारी प्रयोगबाट सेवा प्रवाहलाई छिटो, सरल र गुणस्तरीय बनाउन मदत पुग्ने गरी एआई (आर्टिफिसियल इण्टिेलिजेन्स) तालिमको व्यवस्था गरिएको बताए ।

उक्त कार्यक्रममा ब्रोडवे इन्फोसिसका श्री सन्देश भट्टराईले आर्टिफिसियल इण्टेलीजेन्सका बारेमा विभिन्न उदाहरण प्रस्तुत गर्दै एआई सम्वन्धि विस्तृत गहन प्रशिक्षण प्रदान गरेका थिए । नियमनकारी निकाय श्री नेपाल बीमा प्राधिकरणका उप निर्देशक पदम प्रसाद सोडारीज्यूले बीमालाई माध्यम बनाएर विभिन्न बहानामा सम्पत्ती शुद्धिकरण गर्न सकिने तर्फ सचेत रहन आग्रह गर्दैै राष्ट्रिय हितका लागि आतंकवादि वित्तिय लगानी रोक्नु हामी सबैको कर्तव्य भएको बताए । 

कार्यक्रममा कर्मचारीहरुको मानसिक तथा शारिरीक स्वास्थयमा अभिवृद्धि गर्ने उदेश्यले आर्ट अफ लिभिङका डा. डोन्जन लामिछानेज्यूबाट योगा प्रशिक्षण पनि प्रदान गरिएको थियो । सहभागी कर्मचारीहरूको पेशागत ज्ञान अभिवृद्धिका लागि सञ्चालन गरिएको परिक्षामा उत्कृष्ट नतिजा सहित प्रथम, द्वित्तिय र तृत्तिय हुन सफल क्रमशः केन्द्रिय कार्यालयका श्री सुरक्षा सिंह, श्री बेजोन कार्की र किर्तिपुर शाखाका श्री सिद्धार्थ महर्जनलाई प्रमुख कार्यकारी अधिकृतज्यूले नगद प्रोत्साहन सहित सम्मान गरेका थिए । 

यसै गरी प्रदेश स्तरिय फुटसल प्रतियोगितामा प्रथम, द्वित्तिय र तृत्तिय हुने क्रमशः लुम्बिनी प्रदेश, गण्डकी प्रदेश र केन्द्रिय कार्यलयबाट विजयी हुने खेलाडीहरुलाई पनि पुरस्कृत एवं सम्मान गरेका थिए । 

विभिन्न मनोरञ्जनात्मक गतिविधी समावेश गरिएको उक्त कार्यक्रममा कम्पनीका उप–कार्यकारी प्रमुख श्री स्मृति राज कँडेलले धन्यवाद ज्ञापन गर्दै कम्पनीले आगामी दिनमा पनि यस्ता कार्यक्रमहरू नियमित रूपमा सञ्चालन गरी कर्मचारीहरूको सीप, दक्षता र सेवाको गुणस्तर अभिवृद्धि गर्ने बताए ।