२०८२ फाल्गुण २९ गते शुक्रवार
२०८२ फाल्गुण २९ गते शुक्रवार
काठमाडौं । माघ १५ मा बसेको मन्त्रिपरिषद्को बैठकले प्रहरीको राशन स्केल वृद्धि गर्ने निर्णय गरेको छ । मन्त्रिपरिषद्को निर्णय अनुसार राशन रकममा १० प्रतिशत वृद्धि भएको हो ।
साढे ४ वर्षपछि बढेको स्केल फागुन १ देखि लागु हुने भएको छ । अहिलेको निर्णयसँगै ७९ हजार ५४१ प्रहरी कर्मचारी लाभान्वित हुने भएका छन् । मन्त्रिपरिषद्ले फागुनबाट लागु हुनेगरी १०.२७ प्रतिशतले राशन रकममा वृद्धि गरेको प्रहरी प्रवक्ता अवि नारायण काफ्लेले बताएका छन् ।
वृद्धि भएको राशन स्केल अनुसार प्रहरी कर्मचारीले अब १९ आइटम पाउने छन् । थप भएको आइटममा कुखुराको मासु, अण्डा र हाई इनर्जेटिक बिस्कुट रहेका छन् । सुख्खा तरकारी ५० ग्रामबाट बढेर ५५ ग्राम हुने भएको छ । चामल दैनिक ६९० ग्रामबाट बढाएर ७२० ग्राम दिने निर्णय गरिएको छ । स्केल वृद्धि भएसँगै सशस्त्र प्रहरी बल र नेपाल प्रहरीका सकलदर्जाले पाउने राशन रकम बराबर भएको छ ।
जेनजी प्रदर्शनपछि कमजोर भएको प्रहरीको मनोबल बढाउने कार्यक्रम ल्याउनुपर्ने आवाज उठेपछि प्रहरी प्रधान कार्यालयले २०८२ मङ्सिरमा राशन स्केल बढाउने प्रस्ताव अघि बढाएको थियो ।
© 2026 All right reserved to khabarcnter.com | Site By : Sobij
