२०८२ भाद्र ५ गते बिहिवार
२०८२ भाद्र ५ गते बिहिवार
झापा । कोरोना संक्रमणबाट झापा जिल्लाको भद्रपुर नगरपालिकाका एकै परिवारका बाबु छोराको ज्यान गएको छ । कोरोना संक्रमणबाट छोराको मृत्यु भएको एक सातापछि बुबाको पनि कोरोना संक्रमणबाट मृत्यु भएको छ ।
भद्रपुर नगरपालिका वडा न ४ निवासी ७६ वर्षीय सुरेनचन्द्र राजवंशीको कोरोना संक्रमणबाट मङ्गलवार बिहान ४ बजे होम आइसोलेसनमै मृत्यु भएको मृतकका आफन्तले जानकारी दिएका छन् । परिवारका सदस्यलाई कोरोना संक्रमण पुष्टि भएपछि उनको शुक्रवार मेची अञ्चल अस्पतालमा पीसीआर परीक्षण गराइएको थियो।
पीसीआर परीक्षणको रिपोर्ट पोजेटिभ आए पश्चात् उनी होम आइसोलेसनमा बसेका थिए । होम आइसोलेसनमै रहेको अवस्थामा आज मङ्गलवार उनको मृत्यु भएको हो ।
मृतक सुरेनचन्द्रका छोराको पनि गत वैशाख २८ गते कोरोनाकै कारण मृत्यु भएको हो । वैशाख २८ गते उनका ४८ वर्षीय छोरा अनुप राजवंशीको पनि कोरोना भाइरस संक्रमणका कारण मृत्यु भएको थियो ।
एक साता होम आइसोलेसनमा बसेका उनको श्वासप्रश्वासमा समस्या आएपछि अस्पताल डुलाउँदा डुलाउँदै मृत्यु भएको थियो । उपचारका क्रममा उनको मेची कोभिड उपचार केन्द्रमा मृत्यु भएको थियो ।
© 2025 All right reserved to khabarcnter.com | Site By : Sobij
