२०८२ माघ ७ गते बुधवार
२०८२ माघ ७ गते बुधवार
काठमाडौं । फागुन २१ गते हुने प्रतिनिधि सभा निर्वाचनमा नेपाली कांग्रेसका तर्फबाट उम्मेदवार छनोट गर्न पार्टीभित्रका तीन गुटको बैठक निरन्तर जारी रहेको छ ।
आइतबार रातिबाट सुरु गरिएको छलफलमा सहमति नजुट्दा सोमबार बिहान ११ बजेका लागि संसदीय बोर्डको बैठक बोलाइएको थियो । तर अहिलेसम्म पनि बस्न सकेको छैन ।
आइतबार राति देउवा पक्षबाट नेता रमेश लेखक, डा। शेखर कोइराला समूहबाट डा। मिनेन्द्र रिजाल र विशेष महाधिवेशनबाट स्थापित नेतृत्वको पक्षबाट प्रवक्ता देवराज चालिसे र केन्द्रीय सदस्य मधु आचार्यले छलफल गरेका छन् ।
सोमबार बिहान भने देउवा पक्षले आफ्नो तर्फका वार्ताकार परिवर्तन गरेको छ । निवर्तमान सभापति शेरबहादुर देउवाले लेखकलाई हटाएर बालकृष्ण खाणलाई वार्ताका लागि पठाएका छन्। सहमहामन्त्री उदय शमशेर राणाले सहमति जुटाउन वार्ता भइरहेकाले संसदीय बोर्ड बैठक अहिलेसम्म बस्न नसकेको जानकारी दिएका छन् ।
© 2026 All right reserved to khabarcnter.com | Site By : Sobij
