२०८२ पौष ४ गते शुक्रवार
२०८२ पौष ४ गते शुक्रवार
काठमाडौं । राष्ट्रिय स्वतन्त्र पार्टी (रास्वपा)ले समानुपातिक उमेदवारका आकांक्षीबाट ८१ लाख २५ हजार रुपैयाँ संकलन गरेको छ ।
पार्टीका तर्फबाट समानुपातिक उमेदवार बन्न चाहनेसँग रास्वपाले आवेदन आह्वान गरेको थियो । आवेदन दिन प्रतिव्यक्ति २५ हजार रुपैयाँ शुल्क तोकिएको थियो ।
रास्वपाका प्रवक्ता मनिष झाले मंसिर मसान्तसम्म ३२५ जनाले आवेदन दिएका विवरण बिहीबार पुस ३ गते सार्वजनिक गरेका छन् । रास्वपामा हालसम्म ३२५ आवेदनबाट २५ हजारका दरले शुल्क उठाउँदा ८१ लाख २५ हजार रुपैयाँ संकलन हुने हुन्छ ।
बुधबार र बिहीबार बसेको रास्वपाको बैठकबाट आवेदन लिनेक्रम क्रम जारी राख्ने निर्णय गरिएको छ ।
रास्वपाले प्रतिनिधिसभा सदस्य निर्वाचनका निम्ति समानुपातिकतर्फ शुल्क तिरेर आवेदन दिएकाले प्रत्यक्षतिर निवेदन दिन चाहेमा पुस ५ गतेभित्र जानकरी गराउन भनेको छ ।
© 2025 All right reserved to khabarcnter.com | Site By : Sobij
