२०८२ पौष १ गते मंगलवार
२०८२ पौष १ गते मंगलवार
काठमाडौं । चालु आर्थिक वर्ष २०८२\८३ को मङ्सिर महिनामा भन्सार विभागले मात्रै ४० अर्ब १९ करोड राजश्व ९२ लाख रुपैयाँ राजश्व सङ्कलन गरेको छ ।
अर्थमन्त्रालयले सार्वजनिक गरेको पछिल्लो पाँच महिनाको राजश्व सङ्कलनको तथ्याङ्क अनुसार भन्सार विभागले उक्त राजश्व सङ्कलन गरेको हो ।
चालु आर्थिक वर्षको साउन देखि मङ्सिर पाँच महिनामा भने भन्सार विभागतर्फ १ खर्ब ९४ अर्ब ५५ करोड रुपैयाँ सङ्कलन गरेको छ ।
चालु आर्थिक वर्षको वार्षिक लक्ष्यको तुलनामा भन्सार विभागले ३३.०७ प्रतिशत राजश्व सङ्कलन गरेको तथ्याङ्कले देखाएको छ । गत आर्थिक वर्षको सोही अवधिको तुलनामा भने ९.७० प्रतिशतले वृद्धि भएको छ ।
भन्सार विभागले गत आर्थिक वर्षको मङ्सिर महिनामा मात्रै ३६ अर्ब ६८ करोड रुपैयाँ राजश्व सङ्कलन गरेको थियो । यसरी हेर्दा भन्सार विभागले चालु आर्थिक वर्षमा ९.७० प्रतिशतले राजश्व सङ्कलनमा वृद्धि गरेको देखिन्छ ।
© 2025 All right reserved to khabarcnter.com | Site By : Sobij
