२०८२ मंसिर २४ गते बुधवार
२०८२ मंसिर २४ गते बुधवार
काठमाडौं । अमेरिकाको फ्लोरिडा राज्यमा व्यस्त सडकमा एउटा विमान आपतकालीन अवतरण गरेको छ । मेरिट आइल्याण्ड नजिकै आई–९५ हाइवेमा स्थानीय समय अनुसार सोमबार साँझ ५ः ४५ बजे एउटा सानो विमानले आपतकालीन अवतरण गरेको हो ।
गाडी गुडिरहेकै समयमा विमान अवतरण गर्दा एउटा कारसँग ठोक्किएको र कार चालक घाइते भएको जनाइएको छ । बीचक्राफ्ट ५५ मोडलको उक्त विमानमा २७ वर्षीय पाइलट र उनका साथी सवार थिए ।
विमानको इन्जिनमा समस्या देखिएपछि हाइवेमै आपतकालीन अवतरण गराएको बताइएको छ । उक्त दुर्घटनामा विमान चालक र उनका साथी भने सकुशल छन् । दुर्घटनापछि केही घण्टा उक्त हाइवे बन्द गर्नुपरेको अधिकारीहरूले जनाएका छन् ।
© 2025 All right reserved to khabarcnter.com | Site By : Sobij
