२०८२ चैत्र २ गते सोमवार
२०८२ चैत्र २ गते सोमवार
काठमाडौं । एनपीएल हेरेर राति घर फर्कन कठिनाइ भएका दर्शकका लागि निःशुल्क बस सेवा सुरु हुने भएको छ।
युवा तथा खेलकुद मन्त्रालय र नेपाल क्रिकेट संघको पहलमा निःशुल्क बस सेवा सुरु हुन लागेको मन्त्री बब्लु गुप्ताले बताएका छन् । मन्त्री गुप्ताले सामाजिक सञ्जाल फेसबुकमार्फत यस्तो जानकारी दिएका हुन् ।
चिसो मौसम र सवारी साधनको अभावले विशेष गरी महिला, वृद्ध र अशक्त दर्शकले भोग्दै आएको समस्या समाधान गर्न मुस्कान ट्राभल्सको सहकार्यमा यो सेवा सञ्चालन हुँदैछ।
बस सेवा आजदेखि खेल अवधिभर बेलुकी ६ बजेदेखि ८ बजेसम्म उपलब्ध रहनेछ।
टीयू क्रिकेट मैदानबाट विभिन्न स्थानतर्फ हुने यात्रा निम्न रुटमार्फत हुनेछ :
रुट १ : टीयू गेट – स्वयम्भू – बालाजु
रुट २ : टीयू गेट – स्वयम्भू – बालाजु – महाराजगञ्ज
रुट ३ : टीयू गेट – बल्खु – कालिमाटी – थापाथली – बानेश्वर – तीनकुने – गौशाला – चाबहिल
रुट ४ : टीयू गेट – बल्खु – सातदोबाटो – कोटेश्वर
संबन्धित निकायहरूले यो सेवाले राति घर फर्कने दर्शकका लागि धेरै सहजता ल्याउने विश्वास व्यक्त गरेका छन्।
© 2026 All right reserved to khabarcnter.com | Site By : Sobij
